Írisarblogg

Jæja ég ákvað það að skipta um bloggdæmi er ekki alveg að fíla þetta hérna, en nýja bloggið er hér

Jæja þá er það annar fimmtudagurinn sem ég hef ekki farið annað hvort kaffihúsadjamma eða Hreddadjamm í vetur. Kíkti nú samt aðeins á kaffihúsið og fékk mér aldrei þessu vant bara kaffi. Sambýliskonur mínar féllu þó fyrir bakkusi, þó að þær hafi nú verið alveg ofsalega penar í hvítvíninu....þið eigið alveg hrós skilið stúlkur.
En núna er ég að hugleiða til hvaða lands mig langar mest í skiptinám. Það sem kemur aðalega til greina hjá mér er Grikkland þessa stundina, ég er samt alveg ennþá opin fyrir því að fara til Kanada og Kína. Þetta krefst verulega mikillar íhugunar. Hlýt að komast að niðurstöðu bráðlega. Við B3 stúlkur ætlum að skella okkur í bæjarferð um helgina. Erum að fara í fyrirlestur og kynningu í Íslandsbanka á mánudaginn þannig að maður bara helst alveg heila helgi.
Later

Ég get ekki annað en sagt álit mitt á þessum fréttamiðli. Ég var sem sagt að lesa frétt um þetta morðmál á Neskaupstað. Eins hræðilegt og það atvik er þá les ég setninguna "Mikil áhersla verður lögð á að upplýsa hver varð manninum að bana." Er þetta eitthvað öðruvísi en venjulega þegar að einhver finnst látinn og augljóst er að hann var myrtur. Liggur ekki beint við að finna þann sem ber ábyrgð á verknaðinum?????

Hæ hæ maður bara hermir eftir henni Lísu sinni og breytir útlitinu á blogginu á aðfaranótt sunnudags. Er búin að hanga heima í Reykjavík um helgina veik, bara ömurlegt að vera veikur, ekki gaman. Ákvað samt að drullast út í gærkvöldi og heimsækja hana Hrefnu mína sem ég hef ekki náð að hitta síðan hún kom heim. Erum algjörlega búnar að fara á mis við hvor aðra frá því um miðjan janúar. Sat hjá henni í allnokkra klukkutíma og við blöðruðum um allt milli himins og jarðar og stútuðum nokkrum rettum í leiðinni, Hrefna hver þarf eiginlega kaffihús.... Anyways held að veikindi mín hafi ekki komið neitt illa niðrá náminu, heldur öfugt bara. Aldrei hef ég verið í bænum svo ég muni á laugardegi og unnið verkefni. Bara nokkuð ánægð með að vera búin með hið margfræga skattaverkefni í skattskilum eða skattarétti II hjá honum Gunna skattman. Annars er voða gott að vera heima hjá sér þegar maður er veikur, sérstaklega þegar að mín yndislega móðir stjanar við mig eins og smábarn hehehe. Bræður mínir og mágkona og litla frænka, sem er ekki svo lítil lengur þar sem hún er alveg að ná mér (ekki að það sé erfitt, en nokkuð magnað fyrir 10 ára krakka) komu í mat í kvöld og mamma mín eldaði lambalæri og bernease-sósuna sína víðfrægu. Skrítið að maður fitni þegar maður fer í bæjarferð....hmmmm
Later people

create your own visited country map
or write about it on the open travel guide


Finnst þetta mjög áhugavert kort, sá þetta á blogginu hjá henni Maju pæju.....

Jæja núna er komið að því, ég er officialy lélegasti bloggari ever, ég var búin að gleyma bæði username og passwordinu til að skrifa eitthvað á þessa síðu. Þetta tókst að lokum og hef ég hér með ákveðið að hripa niður nokkur orð. Er í fyrirlestri hjá sem ég verð að flokka undir einn af áhugaverðustu kennurum á minni skólatíð.....sem er by the way orðin nokkuð löng þar sem haldið var uppá aldarfjórðungsafmælið síðustu helgi :(
Það var mjög gaman, mikið drukkið og ótrúlegt drykkjuþol hjá flestum. Fékk fullt af fallegum og góðum gjöfum.
Kíktum á ball í Hreddanum í gær, þar voru fullt af Akureyringum en minna af blessuðu Bifrestingunum. Þeir reyndar sáu sér fært að mæta um 1 leytið og alveg þar til ballinu lauk. Þá var haldið heim, arkað í snjó upp að hnjám og í byl. Við stúlkurnar komumst heilu og höldnu heim og er það nýjum sambýlismönnum okkar að þakka að við stórslösuðum okkur ekki, þar sem snjórinn huldi mikinn klaka undir og ekki það auðveldasta í heimi að labba á háum hælum í þannig ástandi. Anyways þrátt fyrir drykkju og djamm þá tókst okkur Lísu að mæta í fyrirlestur klukkan 8 í félagarétt og svo áframhaldandi fyrirlestur í skattaréttinum. Get samt ekki sagt að ég sé þunn en ég vaknaði með biluðustu hálsbólgu sem ég hef á ævi minni fengið, held að það hafi eitthvað með kulda og snjó næturinnar að gera.
Anyways ætla að renna í bæinn um helgina.
Later

Til hamingju með próflokin á morgun!

Enn einn föstudagurinn runninn upp. Ég sit núna í fyrirlestri hjá gestafyrirlesara um fasteignamat ríkisins eða eitthvað, satt að segja þá er ég ekki alveg með meðvitund, það er víst bjórnum að kenna frá því í gær. Við Lísa erum komin með gott kerfi (fyrir hana sko), hún má kaupa sér eitt hvítvínsglas á barnum og svo lætur hún mig fá kortið sitt, sparnaðaráætlunin mikla virkaði vel. Ég hef samt grun um það í næsta skiptið sem þetta verður gert þá á Lísa eftir að laumast í veskið mitt og kaupa sér allavega 1 glas í viðbót og spila sig svo sem litla engilinn hehe. Allavega við stúlkurnar í B3 skelltum okkur á kaffihúsið í gær að hlusta á fyndnustu persónu Bifrastar. Eftir það var svo partý í Hraunbænum, þar var fullt af fólki og gítarglamur á fullu. Er líða fór á nóttina voru einhverjir vitleysingar komnir í pottinn og fólk orðið yfir höfuð MJÖG ölvað. En mjög skemmtilegt kvöld í alla staði. Nú bíð ég bara eftir því að þessi fyrirlestur sé búinn svo að ég geti skellt mér til Reykjavíkur.
Tjá tjá,
Íris